ازاي تختفي من الانترنت وتمسح كل اثارك الرقمية قبل فوات الاوان؟
ليه لازم تكون حذر على الانترنت وتمسح كل اثارك الرقمية
الانترنت بقى ساحة مفتوحة لكل حاجة سواء كانت مفيدة او خطيرة واي حاجة بتعملها على النت بتسيب اثر حتى لو فاكر انك مش مهم او ان محدش مهتم بتتبعك الحقيقة ان كل حركة ليك بيتم تسجيلها بشكل او باخر شركات التكنولوجيا الحكومات المخترقين وحتى المواقع اللي بتدخلها كلهم عايزين بياناتك وعشان كده لازم تكون حذر جدا وتعرف إزاي تمسح كل اثارك وما تسيبش اي دليل وراك
١- ازاي كل حاجة بتعملها على النت بتتسجل
انت ممكن تكون فاكر انك بمجرد ما تقفل المتصفح او تمسح الكوكيز خلصت لكن الحقيقة ان في بصمات تانية كتير بتفضل موجودة وبتسمح لاي حد بتتبعك زي:
- عنوان ال IP: ده هوية جهازك على الإنترنت واي موقع بتدخله بيقدر يعرف بلدك ومدينتك وحتى مزود الخدمة اللي بتستخدمه
- بصمة المتصفح (Browser Fingerprinting): دي حاجة خطيرة جدا لان اي موقع بيقدر يجمع بيانات عن جهازك ونوع المتصفح واعداداته وحتى دقة الشاشة واللغة وكل البيانات دي بتتخزن مع بعض عشان تعرفك حتى لو غيرت ال IP
- ملفات الكوكيز (Cookies): دي بتكون ملفات صغيرة بتتخزن على جهازك عشان المواقع تعرفك بسهولة في كل مرة تدخلها حتى لو مسحت سجل التصفح
- تحليل سلوكك (Behavioral Tracking): في تقنيات بتتابع حتى طريقة تحريك الماوس والضغط على الازرار عشان تحدد انت مين وتتعرف عليك حتى لو غيرت الجهاز
٢- ليه لازم تخفي نفسك وتمسح اثارك
في ناس كتير بتقول طيب ليه انا اخفي نفسي وانا مش بعمل حاجة غلط الاجابة ببساطة ان مش لازم تكون مجرم عشان يتم استغلال بياناتك
- الشركات بتبيع بياناتك: جوجل فيسبوك واتساب اي خدمة مجانية بتستخدمها في الغالب بتبيع بياناتك للاعلانات عشان تستهدفك اكتر
- المخترقين (Hackers) ممكن يستغلوك: بمجرد ما بياناتك تنتشر على الانترنت اي هاكر ممكن يستخدمها في سرقة حساباتك او حتى في الهندسة الاجتماعية لاقناع حد قريب منك انه يديهم معلومات اكتر عنك
- الحكومات بتراقب كل حاجة: اعتمادا على بلدك ممكن يكون في رقابة على الانترنت واي نشاط بيتم تسجيله عشان يتم استخدامه ضدك في المستقبل
٣- ازاي تخفي نفسك تماما على الانترنت
١- استخدم VPN مع متصفح امن
ال VPN بيغير ال IP بتاعك وبيخليك كانك متصل من بلد تانية وده بيصعب على اي حد تتبعك لكن متستخدمش اي VPN مجاني مش موثوق لانه ممكن يبيع بياناتك اختار حاجات زي:
- ProtonVPN
- Mullvad
- NordVPN
- ExpressVPN
بعد كده استخدم متصفح زي Tor Browser لانه بيشفر اتصالك ويمسح كل اثر ليك بمجرد ما تقفل المتصفح
٢- استخدم محركات بحث تحترم خصوصيتك
جوجل بيتابع كل حاجة بتبحث عنها وبيجمع عنك بيانات الحل هو انك تستخدم محركات بحث زى:
- DuckDuckGo
- Startpage
- SearX
٣- استخدم بريد إلكتروني وهمي وما تسجلش بحساباتك الحقيقية
اي موقع بيطلب منك إيميل متحطش الايميل الاساسي استخدم:
- ProtonMail للبريد المشفر
- Temp Mail أو Guerilla Mail للإيميلات المؤقتة
٤- استخدم انظمة تشغيل اكثر امانا
- Tails OS: بيشتغل من الفلاشة ومش بيسيب اي اثر
- Qubes OS: لو عايز اعلى مستوى من الخصوصية
- Linux: بدل ويندوز لو محتاج نظام مستقر وامن اكتر
٥- امسح اثارك على وسائل التواصل الاجتماعي
حاول متشاركش معلوماتك الحقيقية على السوشيال ميديا ولو كنت بالفعل نشط احذف اي بيانات حساسة ومتستخدمش صورك الحقيقية في كل الحسابات
٦- استخدم ادوات تمنع التتبع والاعلانات
- uBlock Origin
- Privacy Badger
- Decentraleyes
٧- استخدم تشفير قوي لكل حاجة
- Signal: بدل واتساب
- ProtonMail: بدل Gmail
- VeraCrypt: لتشفير الملفات
٨- متسجلش بياناتك الحقيقية في اي موقع
دايما استخدم اسماء مستعارة وايميلات وهمية وارقام غير حقيقية عشان محدش يربط بين هويتك الحقيقية وانشطتك على الإنترنت
من الاخر الإنترنت مش مكان امن واي حاجة بتعملها بتتسجل حتى لو مش واخد بالك وعشان كده لازم تبقى ذكي وتحمي نفسك وتمسح اثارك اول باول استخدامك للادوات الصح هيخليك تتحرك على الانترنت من غير ما حد يعرف عنك اي حاجة وتبقى مخفي
وبرضو حتى بعد ما تعمل كل ده ممكن فى لحظة غفلة تسيب اثر وتنساه وفى يوم حد مركز معاك وبيتتعبك انت مخصوص الاثر ده هيوصله ليك وخليك دايما شاكك انك متراقب عشان متغفلش ابدا
